Héraðssambandið Skarphéðinn

Ráðstefnan Meira eða minna afreks?

21.01.2026 - 21.01.2026

Miðvikudaginn 21. janúar fer fram ráðstefna í Háskólanum í Reykjavík, í tengslum við Reykjavíkurleikana (RIG) en ráðstefnan er samstarfsverkefni ÍSÍ, UMFÍ, ÍBR og HR. Ráðstefnan hefur fengið heitið Meira eða minna afreks? en hún einblínir á snemmtæka afreksvæðingu í íþróttum bara og ungmenna og áhrif hennar á ungt fólk. Ráðstefnan er einstakt tækifæri til að heyra í alþjóðlegum sérfræðingum segja frá nýjustu rannsóknum og ræða mikilvægi þess að hafa jafnvægi milli keppni og vellíðanar í íþróttum barna og ungmenna. Enginn íþróttaþjálfari ætti að láta þessa ráðstefnu fram hjá sér fara! Ráðstefnan er einnig gott tækifæri fyrir foreldra íþróttabarna til að fræðast um þetta mikilvæga málefni. Á meðal fyrirlesara eru: Mark Joseph O´Sullivan, dósent við Norska Íþróttaháskólann. Titill fyrirlestursins er - Sport is for children, not the other way around (where are we now, and where can we go?). Siubhéan Crowne, hún er íþróttasálfræðingur og rannsakandi. Titill fyrirlesturs hennar er Exploration of the sport psychology programme of a Category 1 English football academy. Peter P´Donoghue/Hafrún Kristjánsdóttir, prófessorar við Íþróttafræðideild HR. Fyrirlestur þeirra nefnist 10 ár af gögnum úr íslensku íþróttastarfi. Martin Camiré, prófessor í hreyfifræði við Háskólann í Ottawa, Canada Professionalization in Youth Sport: Key Considerations and Future Directions. Nánari dagskrá og tímasetningar má finna hér. Skráning er bæði í sal og í streymi.