Héraðssambandið Skarphéðinn

5. desember 2025

Takk sjálfboðaliðar!

Í dag, 5. desember er alþjóðlegur dagur sjálfboðaliðans. Af því tilefni hvetjum við aðildarfélög HSK til að hampa sjálfboðaliðum, sem hafa haldið uppi íþrótta- og ungmennastarfi í héraði í rúma öld.

Þessi dagur hefur verið haldinn frá árinu 1985 þegar Sameinuðu þjóðirnar ákváðu að helga 5. desember öllum sjálfboðaliðum. Íþróttahreyfingin á Íslandi hefur, eins og svo mörg önnur starfsemi í landinu, verið borin uppi af sjálfboðaliðum sem eiga hrós skilið fyrir framlag sitt í þágu íþrótta og sinna félaga.

Ýmislegt er hægt að gera í tilefni dagsins, hampa sjálfboðaliðum á heimasíðum og samfélagsmiðlum, bjóða upp á kaffi og meðlæti og lyfta þeim upp með þeim hætti sem mögulegt er.

Svæðisstöðvar íþróttahéraðanna, ÍSÍ og UMFÍ hafa útbúið nokkrar myndir sem félögin eru hvött til að nota á miðlum sínum eftir því sem við á hverju sinni. Myndirnar munu birtast á vefmiðlum í dag, á auglýsingaskiltum og víðar.

Hér má ná í myndir: Svæðisstöðvar íþróttahéraða

Deila

Tilbaka