Héraðssambandið Skarphéðinn

3. desember 2025

Félagar Bjössa bónda unnu sveitakeppni HSK

Hin árlega sveitakeppni HSK í bridds var haldin í Fjölbrautaskóla Suðurlands 29. nóvember sl. og mættu 14 sveitir til leiks, sem allar hétu eitthvað og fæstar kenndar við félag eða heimahaga keppenda.Spilaðir voru 8 spila leikir með monrad fyrirkomulagi. Mótið taldi til silfurstiga og sjá má silfurstig keppenda á heimasíðu Bridgesambands Suðurlands, slóðin er

https://bridge.is/media/1f4pduyp/hsk-m%C3%B3ti%C3%B0-2025-silfurstig.pdf

Úrslit urðu þau að sveitin Félagar Bjössa Bónda varð HSK meistari með 103,01 stig. Í sigursveitinni voru þeir Björn Snorrason, Runólfur Jónsson, Guðmundur Þ Gunnarsson og Kristján Már Gunnarsson.

Gervigreind varð í öðru sæti með 89,43 stig og þar spiluðu Sigurður Jón Björgvinsson, Sveinn Ragnarsson, Hermann Friðriksson og Gunnlaugur Sævarsson. Íslenskur Landbúnaður tók svo bronsið með 87,21 stig. Í sveitinni voru Höskuldur Gunnarsson, Þröstur Árnason, Helgi Hermannsson og Brynjólfur Gestsson.

Heildarúrslit má sjá á https://www.bridge.is/ og lokastöðuna má sjá á www.hsk.is.

Mynd: Sigursveitin tekur við verðlaunum. F.v. Björn, Runólfur, Guðmundur Þ og Kristján Már.

Deila

Tilbaka