Héraðssambandið Skarphéðinn

27. nóvember 2025

Héraðsmót kvenna í blaki hafið

10 lið taka þátt í héraðsmóti kvenna í blaki í vetur, en mótið fór af stað á Hvolsvelli 17. nóvember sl.

Þátttökuliðunum tíu var skipt upp í tvo jafna riðla og var miðað við úrslit Hraðmóts HSK sem haldið var fyrr í haust. Allir spila við alla í sínum riðli, þ.e. fjórir leikir á lið. Öll liðin léku tvo leiki á Hvolsvelli og seinni tveir leikirnir verða svo spilaðir í janúar. Niðurstöður fyrri umferða raðar svo efstu liðum hvors riðils saman í nýjan riðil sem spilar til úrslita í mars. Neðstu lið hvors riðils spila svo saman um röð liða í neðri sætum.

Dímon/Hekla A og A lið Hrunakvenna hafa tekið forystu í A-riðli og í B riðli eru lið Hamars og Dímon/Hekla B í forystu.

Úrslit leikja má sjá á www.hsk.is.

Mynd: Verðalaunaliðið á héraðsmóti síðasta vetrar.

Deila

Tilbaka