Héraðssambandið Skarphéðinn

26. nóvember 2025

Hvatasjóður íþróttahreyfingarinnar hefur veitt 86 milljónir í styrki í ár

Hvatasjóður íþróttahreyfingarinnar er nýr sjóður á vegum Íþrótta- og Ólympíusambands Íslands og Ungmennafélags Íslands með stuðningi Mennta- og barnamálaráðuneytis. Sjóðurinn tengist stofnun átta svæðisstöðva íþróttahéraða á síðasta ári og markmiðum um eflingu íþróttastarfs á landsvísu.

Sjóðurinn styrkir verkefni sem miða að útbreiðslu íþrótta og aukinni þátttöku barna í íþróttum með áherslu á þátttöku barna með fötlun, af tekjulægri heimilum og með fjölbreyttan tungumála og menningarbakgrunn.

Íþróttahéruð, íþróttafélög og deildir þeirra, sérsambönd í samstarfi við íþróttahéruð, félög eða deildir félaga geta sótt um styrk í Hvatasjóðinn. Nánari upplýsingar um sjóðinn eru á https://www.umfi.is/styrkir/hvatastjodur/.

Heildarúthlutun úr Hvatasjóði árinu nemur rúmum 86 milljónum króna sem skiptast á milli 154 verkefna. Í fyrstu úthlutun sjóðsins í janúar fengu 30 verkefni 20,3 milljónir í styrki. Í annað sinn hlutu 72 verkefni styrk upp á rúmar 38 milljónir króna og í nóvember voru 52 verkefni styrkt með samtals 27,8 milljón króna framlagi. Styrkupphæðir einstakra verkefna voru frá 100.000 – 1.500.000 kr.

14 verkefni aðildarfélaga HSK hlutu styrk úr sjóðnum í ár, samtals að upphæð 7.350.000 kr. og hér að neðan má sjá þau verkefni sem hlutu styrk á sambandssvæði HSK.

Úthlutun til aðildarfélaga HSK 2025:

Fyrsta úthlutun í janúar

Nafn umsækjenda Verkefni Styrkur

HSK og Umf. Selfoss Íslandsleikar 1.000.000

HSK og Umf. Selfoss Íþróttir fyrir börn með fatlanir 1.500.000

Önnur úthlutun í júní

Umf. Selfoss, knattspyrnudeild Fótbolti fyrir alla 250.000

Umf. Hekla Frá brottfalli til bætinga 1.000.000

Íþr.f. Uppsveita, körfukn.deild Uppbygging körfuboltastarfs Uppsveita 300.000

Umf. Biskupstungna Allir saman 100.000

Umf. Selfoss, Suðradeild Sumarfrístund fyrir börn með sér og stuðningsþarfir 700.000

Umf. Selfoss Íþróttir fyrir fötluð börn og unglinga hjá Umf. Selfoss

-Framhaldsumsókn 1.000.000

Þriðja úthlutun í nóvember

Íþr.f Hamar Hamarsport unglingar 250.000

Umf. Laugdæla Körfubolti fyrir stúlkur frá 16-18 ára 100.000

Umf. Hvöt Spilum pílu saman 250.000

Umf. Hekla Inngilding barna af erlendum uppruna 350.000

Umf. Laugdæla Íþróttaskóli barnanna 250.000

Umf. Selfoss, Knattsp.d/Suðrad. Fótbolti fyrir alla 300.000

Staðfesting á áframhaldandi fjármögnun liggur ekki fyrir og helst hún í hendur við fjármögnun til svæðisstöðva enda er hvatasjóðurinn einn hluti verkefnisins. Vonir standi til þess að svör berist ÍSÍ og UMFÍ fyrir áramót. Sjóðurinn á hins vegna ennþá fjármagn til þess að úthluta á árinu 2026.

Mynd: Meðal verkefna sem hlutu styrk úr Hvatasjóðnum voru Íslandsleikarnir, sem haldnir voru á Selfossi í lok mars.