Héraðssambandið Skarphéðinn

14. nóvember 2025

Ritunarsamkeppni Umf. Þjótanda á 10 ára afmælisári

Í tilefni af 10 ára afmæli Ungmennafélagsins Þjótanda hefur félagið blásið til Ritunarsamkeppni fyrir börn og unglinga 16 ára og yngri.

Einkunnarorð keppninnar eru:
Samfélag
Þátttaka
Þjótandi

Þátttakendur hafa frjálsar hendur. Það má skrifa smásögu, ljóð, frásögn, dagbókarfærslu eða í raun hvað sem ykkur dettur í hug. Svo er um að gera að myndskreyta að vild.

Hámarkslengd er ein A4 blaðsíða og skulu þátttakendur merkja verk sitt aftan á blaðsíðunni með nafni, heimilisfangi og símanúmeri. Hægt verður að skila inn verkum hjá ritara Flóaskóla en einnig er hægt að senda þau í tölvupósti á netfangið halla@floahreppur.is.

Skilafrestur er til 16. nóvember, sem er bæði afmælisdagur Umf. Þjótanda og Dagur íslenskrar tungu.

Ungmennafélagið Þjótandi veitir verðlaun fyrir þrjú bestu verkin og munu þau birtast í Áveitunni í desember. Öll verk sem taka þátt verða til sýnis á Skötuveislu Umf. Þjótanda á Þingborg í Þorláksmessu.

Skauta- og pizzuveisla á afmælisdaginn

Fleira stendur til á afmælisárinu, en félagsfólki Þjótanda er boðið í skauta- og pizzuveislu í Egilshöll á afmælisdaginn sjálfan, sunnudaginn 16. nóvember nk. milli kl. 14:00 og 16:00. Í boði verða rútuferðir úr Flóanum fyrir þá sem þess óska.

Deila

Tilbaka