Héraðssambandið Skarphéðinn

24. október 2024

Þing Landssambands hestamannafélaga haldið um helgina

64. landsþing Landssambands hestamannafélaga verður haldið í Borgarnesi um helgina, en þinghald hefst kl. 13:00 á morgun, föstudag og áætluð þingslit eru kl. 17:00 á laugardag. 202 fulltrúar frá 40 hestamannafélögum eiga rétt til setu á þinginu. Hestamannafélögin fimm innan HSK eiga samtals rétt á að senda 37 fulltrúa á þingið, Geysir er með 12 fulltrúa, Jökull og Sleipnir eru bæði með 10 fulltrúa, Ljúfur á þrjá fulltrúa og Háfeti tvo.

Tveir einstaklingar sækjast eftir embætti formanns en það eru þau Guðni Halldórsson, Hestamannafélaginu Herði og Linda Björk Gunnlaugsdóttir, Hestamannafélaginu Spretti. Fjóla Kristinsdóttir, Hestamannafélaginu Sleipni hefur dregið framboð sitt til baka.

Hægt er að kynna sér málefni þingisins á vef LH, Landsþing | Landssamband hestamannafélaga

Deila

Tilbaka