Héraðssambandið Skarphéðinn

17. október 2024

Málefni Þrastarlundar rædd á Sambandsráðsfundi UMFÍ á Varmalandi

45. Sambandsráðsfundur Ungmennafélags Íslands var haldinn að Hótel Varmalandi í Borgarfirði sl. laugardag. Helgi S. Haraldsson varaformaður HSK og Engilbert Olgeirsson framkvæmdastjóri mættu á fundinn frá HSK.

Engin umræða var um skýrslu stjórnar og reikninga, en þeim mun meiri um tillögur sem lagðar voru fram og sérmálefni sem kynnt voru með framsögu. Tillögur um málefni Þrastarskógar og sölu áfengis á íþróttaviðburðum fengu hvað mesta umfjöllun. Eftir afgreiðslu tillagna voru þrju mál kynnt og rædd sérstaklega. Það voru mót á vegum UMFÍ, Íþrótta- og æskulýðslög og Svæðisstöðvar íþróttahéraða sem nýlega hófu starfsemi sína.

Á heimasíðu UMFÍ, sjá https://www.umfi.is/vidburdir/sambandsradsfundur/, má nálgast ársskýrslu og ársreikninga UMFÍ. Myndir frá fundinum eru á facebooksíðu UMFÍ, sjá https://www.facebook.com/media/set?vanity=ungmennafelag&set=a.948647030630728

Mynd: Helgi varaformaður HSK tók virkan þátt í umræðum á fundinum.

Deila

Tilbaka