Héraðssambandið Skarphéðinn

26. september 2024

Framkvæmdastjóri ráðinn til starfa hjá Umf. Heklu

Bjarki Eiríksson hefur verið ráðinn til starfa sem framkvæmdastjóri Ungmennafélagsins Heklu í 50% starf. Ráðningin er tímabundin út maí 2025 með möguleika á framlengingu.

Bjarki er stúdent af íþróttabraut Menntaskólans að Laugarvatni og leggur stund á nám í Almannatengslum við Háskólann á Bifröst. Bjarki hefur undanfarin ár starfað mest við sölu og þjónustustörf. Samhliða störfum sínum hefur Bjarki tekið þátt í félagsmálum bæði innan og utan íþróttahreyfingarinnar. Bjarki er fæddur og uppalinn á Flúðum en er í dag búsettur á Hellu ásamt fjölskyldu sinni.

Bjarki mun hefja störf 1. október næstkomandi.

Mynd: Bjarki Eiríksson og Ástþór Jón Ragnheiðarson, formaður Heklu, handsala ráðningarsamninginn.