Héraðssambandið Skarphéðinn

23. september 2024

Íþróttavika Evrópu haldin 23. - 30. september

Í dag, mánudag hefst Íþróttavika Evrópu, en hún er orðin árlegur viðburður víðsvegar um Evrópu yfir vikutímabil, frá 23. til 30. september.

Samkvæmt heimasíðu verkefnisins tekur Rangárþing ytra https://www.beactive.is/irottavika-evripu-rangaring-ytra og Fjölbrautaskóli Suðurlands https://www.beactive.is/irottavika-evropu-i-fjoelbrautaskola-suurlands. þátt í íþróttavikunni í ár. Þá verður fjölbreytt dagskrá alla vikuna í Árborg, samkvæmt upplýsingum á vef sveitarfélagsins, https://www.arborg.is/frettasafn/ithrottavika-evropu-2024,

Markmiðið með Íþróttavikunni er að kynna íþróttir og almenna hreyfingu um alla Evrópu og sporna við auknu hreyfingarleysi meðal almennings.

Íþrótta- og Ólympíusamband Íslands (ÍSÍ) fær árlega styrk frá Evrópusambandinu í gegnum Erasmus+ styrkjakerfið til verkefna sem tengjast þessari viku og hafa sveitarfélög, fjölbrautaskólar og íþróttafélög notið góðs af.

Á þessu tímabili má einnig benda á Göngum í skólann, verkefni á vegum ÍSÍ sem stendur til 2. október. Ennþá er hægt að skrá sig til leiks.

Þá eru ýmsar gagnlegar upplýsingar á heimasíðu verkefnisins, BeActive.is, auk þess sem þar má finna viðburðarsíðu BeActive, um marga viðburði sem í gangi verða þessa vikuna.

HSK hvetur alla til að kynna sér vel það sem er í boði á þeirra svæði og taka þátt.

Deila

Tilbaka