Héraðssambandið Skarphéðinn

6. september 2024

Haustfjarnám ÍSÍ í þjálfaramenntun

Haustfjarnám ÍSÍ í þjálfaramenntun allra stiga hefst mánudaginn 16. september næstkomandi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ.

Skráning fer fram á Abler:

http://www.abler.io/shop/isi

Nemendur velja rétt námskeið og ganga frá greiðslu námskeiðsgjaldsins í heimabanka. Þeir sem ekki hafa skráð sig áður í Sportabler þurfa að búa til nýjan aðgang undir „Nýr notandi“.

Nánar um námskeiðin

Allir nemendur sem ljúka námi á 1. stigi fá staðfestingu á náminu og einkunn. Auk náms á stigunum þurfa þjálfarar að hafa gilt skyndihjálparnámskeið og ákveðna þjálfunarreynslu til að geta haldið áfram námi. Menntun á hverju stigi fyrir sig er ekki lokið fyrr en þjálfari hefur lokið bæði almenna hlutanum hjá ÍSÍ og sérgreinahlutanum hjá viðkomandi sérsambandi. Einnig eru aldurstakmörk inn á námskeiðin; 16 ár á 1. stig, 18 ár á 2. stig og 20 ár á 3. stig. ÍSÍ sér um almenna hlutann og fer öll kennsla fram í fjarnámi. Sérsambönd ÍSÍ sjá um sérgreinahlutann. Námið er í boði þrisvar á ári, þ.e. sumar-, haust- og vorfjarnám.

Verð – hægt að sækja um styrk

Verðið er frá 30-40.000 á mann, en 5.000 kr. afsláttur er veittur fyrir félagsmenn þeirra félaga sem eru fyrirmyndarfélag ÍSÍ.

Rétt er að geta þess að Verkefnasjóður HSK hefur veitt 20.000 kr. styrk á mann vegna þessara námskeiða, en félögin verða að sækja um styrk í sjóðinn. Úthlutað er tvisvar á ári, næst í nóvember og þurfa umsóknir að berast fyrir 1. október nk. sjá www.hsk.is (undir verkefnasjóður)

Allar nánari upplýsingar um fjarnámið og þjálfaramenntun ÍSÍ gefur Viðar Sigurjónsson í síma 460-146 & 863-1399 eða á vidar@isi.is

Deila

Tilbaka