Héraðssambandið Skarphéðinn

22. júlí 2024

Óli bætti 29 ára gamalt met nafna síns um helgina

Frjálsíþróttamaðurinn Ólafur Guðmundsson úr Umf. Selfoss varð 55 ára í vor og keppir því næstu fimm árin í flokki 55- 59 ára. Óli hefur á liðnum árum sett tugi HSK meta og hann er þegar farinn að safna HSK metum í sínum nýja aldursflokki.

Hann mætti á Landsmót 50+ í Vogum fyrr í sumar og kastaði kringlunni 36,99 metra og bætti þar með 28 ára gamalt HSK met Ólafs Unnsteinssonar um 29 sentimetra. Auk þess bætti hann þrjú héraðsmet Yngva Karls Jónssonar í hástökkki, spjókasti og lóðkasti.

Óli keppti svo aftur á Kastmóti Breiðabliks á Kópavogsvelli sl. laugardag. Þar stórbætti hann 29 ára gamlt HSK met Ólafs Unnsteinssonar í sleggjukasti með 6 kg sleggju, kastaði 36,46 metra, en gamla met nafna hans var 28,22 m. Hann tvíbætti einnig eigið HSK met í kringlukasti með 1,5 kg kringlu í sínum flokki, kastaði lengst 40,18 metra, en gamla metið hans frá því á Landsmóti 50+ fyrr í sumar var 36,99, sem áður sagði.

Meistaramót eldri aldursflokka fer fram í Hafnarfirði um helgina og þar verður Óli meðal þátttakenda og vonast er til að keppendur af sambandssvæðinu fjölmenni.

Deila

Tilbaka