Héraðssambandið Skarphéðinn

6. júní 2024

Þjálfaramenntun í fjarnámi hefst á mánudag

Sumarfjarnám ÍSÍ hefst mánudaginn 10. júní nk. og verður í boði að taka 1. og 2. stig þjálfaramenntunar ÍSÍ. Skráningarfrestur til 9. júní og skráning fer fram í gegnum Abler, www.abler.io/shop/isi

Fyrsta stigið tekur átta vikur en annað stigið tekur fimm vikur.

Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.

Nemendur velja rétt námskeið og ganga frá greiðslu námskeiðsgjaldsins í heimabanka. Þeir sem ekki hafa skráð sig áður í Abler þurfa að búa til nýjan aðgang undir „Nýr notandi“.

Námskeiðsgjald:

Fyrsta stig kr. 36.000.

Annað stig kr. 30.000.

Þjálfarar sem koma frá Fyrirmyndarfélögum ÍSÍ fá kr. 5000 í afslátt. Félög og deildir geta sótt um styrk úr Verkefnasjóði HSK, sem sjóðurinn hefur undanfarin ár veitt 20.000 kr. styrk fyrir þetta námskeið.

Allar nánari uppl. um fjarnámið og þjálfaramenntun ÍSÍ gefur Viðar Sigurjónsson í síma 5144000 & 8631399 og/eða á vidar@isi.is