Héraðssambandið Skarphéðinn

Reglugerð um lottóúthlutun HSK

1. Lottótekjurnar skiptast þannig:

I. 8% í verkefnasjóð HSK.

II. 20% til HSK.

III.72% til aðildarfélaga HSK og sérráða sambandsins.

2. Skipting milli félaga og ráða:

A. 15% eftir fjölda mættra fulltrúa á HSK þingi.

B. 85% eftir fjölda iðkenda 18 ára og yngri. Ef iðkandi er skráður iðkandi hjá fleiri en einu félagi/deild telur hann hjá báðum/öllum félögum/deildum.

Tölur sérráða fara eftir iðkendum í greininni samkvæmt innsendum starfsskýrslum í skilakerfi ÍSÍ og UMFÍ. Sérráð geta þó aldrei fengið nema sem nemur 25% af uppgefnum iðkendatölum.

3. Forsendur fyrir skiptingu milli félaganna:

a) Starfi félag og sérráð ekki samkvæmt lögum HSK kemur það ekki til greina við úthlutun. Félag og sérráð skal halda aðalfund ár hvert og skila starfsskýrslu fyrir síðastliðið starfsár, sbr. 13. laga HSK. Ef misbrestur verður á þessu rennur lóttóúthlutun félagsins í Verkefnasjóð HSK.

b) Vegna reglu 2A, þarf fulltrúi að vera mættur við afgreiðslu kjörbréfa og sitja þingið til að teljast hafa mætt á HSK þing.

c) Fjórir úthlutunardagar verða á hverju ári: 1. maí, 1. ágúst, 1. nóvember og 31. desember. Á hverjum úthlutunardegi verður öllu því lottófé úthlutað sem borist hefur frá síðustu úthlutun.

(Núverandi lóttóreglugerð var samþykkt á héraðsþingi í Aratungu 2025)

Tilbaka