Héraðssambandið Skarphéðinn

Fjórðungsglíma Suðurlands og Skjaldarglíma Bergþóru

04.12.2025 - 04.12.2025

Fjórðungsglíma Suðurlands verður haldin í íþróttahúsinu á Hvolsvelli fimmtudaginn 4. desember og hefst keppni kl. 17:00. Keppt verður í flokkum 10 ára og yngri, 11, 12, 13, 14 og 15 ára og fullorðinsflokkum 16 ára og eldri. Rétt til þátttöku í Fjórðungsglímu Suðurlands eiga allir félagar íþrótta- og ungmennafélaga á svæðinu frá Skeiðará að Hvalfjarðarbotni að Reykjavík undanskilinni. Skjaldarglíma Bergþóru, sem er hluti héraðsmóts HSK í glímu, fer einnig fram á Hvolsvelli þennan dag. Þar munu konur af sambandssvæði HSK keppa um Bergþóruskjöldinn. Skráningar berist til Stefáns Geirssonar formanns glímuráðs HSK á netfangið stegeir@hotmail.com til þriðjudagsins 2. desember.