Héraðssambandið Skarphéðinn

Fundur með stjórn HSK

14.10.2025 - 14.10.2025

Stjórn HSK ákvað í haust að halda fjóra fundi víðsvegar um sambandssvæðið með forystu aðildarfélaga HSK í sveitarfélögunum á viðkomandi svæði. Þá er vonast til að sveitarfélögin hafi tök á því að senda fulltrúa. Ákveðið var að funda næst með félögum sem starfa í Rangárvallasýslu og á fundinn verða einnig boðaðir fulltrúar frá Rangárþingi eystra, Rangárþingi ytra og Ásahreppi. Fundurinn verður haldinn í Menningarsalnum á Hellu þriðjudaginn 14. október kl. 17:00. Fundurinn er hugsaður sem samráðs- og upplýsingafundur. Forysta HSK mun kynna helstu verkefni sambandsins og þá er óskað eftir að félögin kynni helstu verkefni sem unnið er að um þessar mundir. Vonast er til að fulltrúar sveitarfélaganna og stjórnarfólk í aðildarfélögum HSK, sem starfa í sveitarfélögunum, hafi tök á því að mæta á fundinn. Fyrsti fundurinn af fjórum var haldinn í Þorlákshöfn í lok september og svo verða haldnir sambærilegir fundir í Flóanum og uppsveitum Árnessýslu í nóvember og janúar.