Héraðssambandið Skarphéðinn

Hádegisfyrirlestur í HR á föstudag um íþróttir og ADHD

09.05.2025 - 09.05.2025

Á föstudaginn 9. maí býður Íþróttafræðideild Háskólans í Reykjavík upp á hádegisfyrirlestur á milli 12 og 13 í stofu V102. Þar mun Dr. Allan Johnston kynna nýjustu rannsóknir um algengi ADHD meðal íþróttafólks í Bretlandi og útskýra hvernig UKAD (breska lyfjaeftirlitið) fer með greiningu og meðferð. Dr. Johnston mun fjalla um þrjú helstu einkenni ADHD: athyglisbrest, ofvirkni og hvatvísi með raunverulegum dæmum úr starfi með íþróttafólki. Einnig verða kynntar leiðbeiningar NICE (NG87) um meðferð og líf-sálfélagsleg nálgun sem sameinar lyf og hugræna atferlismeðferð (HAM). Fyrirlesturinn vekur athygli á mikilvægu samtali um gagnreynda starfshætti og reynslubundna þekkingu í íþróttasálfræði og geðheilbrigðisþjónustu. Fyrirlesturinn verður öllum opinn og skráningar er ekki þörf. HR mun taka fyrirlesturinn upp, en óvíst er með streymi. Hér er hlekkur á viðburðinn á Facebook https://fb.me/e/39LSrJopO