Héraðssambandið Skarphéðinn

Fræðslu- og verkefnasjóður UMFÍ

01.05.2025 - 01.05.2025

Markmið sjóðsins er að styrkja félags- og íþróttastarf ungmennafélagshreyfingarinnar í samræmi við stefnu UMFÍ, m.a. með því að auka menntun og þekkingu félaga innan hreyfingarinnar á íþróttagreinum, þjálfun í félagsmálum og félagsstarfi. Rétt til umsóknar úr sjóðnum eiga sambandsaðilar UMFÍ, aðildarfélög sem eru virk í starfi og deildir innan þeirra. Athygli er vakin á því að sjóðurinn styrkir EKKI tækja-, áhalda- og búnaðarkaup, fundakostnað (þ.m.t. veitingar) og almennan rekstur félaga. Einnig er styrkur að öllu jöfnu aldrei hærri en 50% áætlaðs styrkhæfs kostnaðar, eða að hámarki 400.000kr. Stjóðsstjórn getur þó veitt hærri styrki í undantekningartilfellum. Umsækjendur eru hvattir til þess að kynna sér vinnureglur og matskvarða sjóðsins Umsókn þarf að hljóta að lágmarki 50 stig til þess að vera metin styrkhæf. Umsækjendur sem hljóta styrk þurfa að skila inn skýrslu á ákveðnu lokaskýrsluformi og senda til þjónustumiðstöðvar UMFÍ á netfangið umfi@umfi.is. Umsóknarfrestir eru tveir á ári. Fyrri umsóknarfrestur er til 1. maí og sá seinni til 1. nóvember ár hvert. Nánari upplýsingar eru gefnar á þjónustumiðstöð UMFÍ í síma 568-2929.