Héraðssambandið Skarphéðinn

Íþróttavika Evrópu 23. til 30. september

30.09.2024 - 30.09.2024

Íþróttavika Evrópu (European Week of Sport) er haldin víðsvegar um álfuna í september ár hvert. Markmið íþróttavikunnar er að kynna íþróttir og hreyfingu fyrir almenningi í Evrópu og er hún ætluð öllum óháð aldri, bakgrunni eða líkamlegu ástandi. Sérstök áhersla er lögð á að höfða til grasrótarinnar og að hvetja Evrópubúa til að sameinast undir slagorðinu #BeActive til þess að hreyfa sig oftar og meira í sínu daglega lífi. #BeActive eru einkunnarorð Íþróttaviku Evrópu sem haldin er í yfir 30 Evrópulöndum vikuna 23.-30. september ár hvert. ÍSÍ hvetur alla til að fylgjast með þeim viðburðum sem í boði eru á Íþróttaviku Evrópu í sínu sveitafélagi, menntaskóla eða félagi. Allt um Íþróttaviku Evrópu má finna hér og á Facebook undir BeActive Iceland og á Instagram undir #BeActiveIceland.