Héraðssambandið Skarphéðinn

Styrkir úr Íþróttasjóði

01.10.2024 - 01.10.2024

Rannís hefur opnað fyrir umsóknir um styrki úr íþróttasjóði vegna verkefna ársins 2024. Umsóknarfrestur er til kl. 15.00 þriðjudaginn 1. október 2024. Sækja skal um á eftirfarandi slóð: https://www.rannis.is/sjodir/aesku-ithrotta/ithrottasjodur/ Styrkir eru veittir til eftirfarandi verkefna: 1. Sérstakra verkefna á vegum íþróttafélaga og samtaka þeirra sem miða að því að bæta aðstöðu til íþróttaiðkana 2. Útbreiðslu- og fræðsluverkefna, sérstök áhersla verður lögð á verkefni sem stuðla að inngildingu í íþróttum. Sérstaklega þá til verkefna með börnum af erlendum uppruna. 3. Fjölbreytt verkefni sem hvetja ungt fólk sérstaklega til að taka þátt og hreyfa sig reglulega 4. Íþróttarannsókna 5. Verkefna samkvæmt 13. gr. íþróttalaga Umsóknum skal skilað rafrænt. Aðgangur að umsóknarkerfi, eyðublöðum fyrir skýrslur, matskvarða, ásamt lögum og reglugerðum um sjóðinn o.fl., er að finna á síðu sjóðsins. Nota þarf rafræn skilríki við gerð umsóknar og eingöngu er tekið við rafrænum fylgigögnum. Ekki er hægt að sækja um lægri styrki en 250 þúsund. Nánari upplýsingar veitir Andrés Pétursson í netfang ithrottasjodur@rannis.is eða í síma 515 5833.