Héraðssambandið Skarphéðinn

Unglingalandsmót UMFÍ í Borgarnesi

01.08.2024 - 04.08.2024

Unglingalandsmót UMFÍ verður haldið í Borgarnesi um verslunarmannahelgina, dagana 1.-4. ágúst 2024. Unglingalandsmót UMFÍ er fyrir 11-18 ára keppendur sem geta reynt með sér í fjölmörgum íþróttagreinum samhliða þess að njóta lífsins með vinum og fjölskyldu. Boðið er upp á heilmikla afþreyingu og tónleika á hverju kvöldi með helstu tónlistarstjörnum landsins. Þetta er 25. skiptið sem mótið er haldið. Skráningargjald er 8.900 krónur og geta öll ungmenni 11-18 ára skráð sig til leiks. Inni í gjaldinu er tjaldstæði fyrir alla fjölskylduna, aðgangur að allri afþreyingu og tónleikum. Ekki er skilyrði að vera skráð/ur í ungmenna- eða íþróttafélag. Opnað verður fyrir skráningu á Unglingalandsmót í byrjun sumars. Keppnisgreinar: Biathlon (hlaupaskotfimi), bogfimi, frisbígolf, frjálsar íþróttir, golf, grasblak, grashandbolti, hestaíþróttir, hjólreiðar, júdó, knattspyrna, kökuskreytingar, körfubolti, pílukast, skák, stafsetning, sund og upplestur.