Héraðssambandið Skarphéðinn

Landsmót UMFÍ 50+

06.06.2024 - 09.06.2024

Landsmót UMFÍ 50+ verður haldið í Vogum dagana 6. - 9. júní og verður keppt í 18 greinum á mótinu. Mótið hefst með keppni í boccía sem er með langfjölmennustu greinum mótsins. Ásamt pönnukökubakstri, boccía, ringó og fleiru verður boðið upp á klassískar greinar eins og brennibolta og margt fleira. Búist er við að þetta geti orðið fjölmennasta mótið frá upphafi. Landsmót UMFÍ 50+ er blanda af íþróttakeppni og viðburðum fyrir fimmtugt fólk og eldra sem allir snúast um að þátttakendur njóti samveru. Mótið er opið öllum sem verða 50 ára á árinu og þeim sem eldri eru. Ekki er krafa um að þátttakendur séu skráðir í íþróttafélag. Auk keppni í mörgum greinum verður boðið upp á kynningar á öðrum, skemmti- og matarkvöld ásamt tónleikum. Keppnisgreinar: Biathlon (hlaupaskotfimi) - borðtennis - boccía - bridds - frisbígolf - frjálsar íþróttir - golf - hjólreiðar - línudans - petanque - pílukast - pútt - pönnukökubakstur - ringó - skák - stígvélakast - strandarhlaup - sund. Opnað verður fyrir skráningu á mótið á næstu dögum.