Héraðssambandið Skarphéðinn

Reglugerð fyrir badmintonmót HSK

1. gr.

Þátttökurétt eiga öll aðildarfélög HSK sem tilkynna þátttöku innan tilgreinds tíma.

2. gr.

Keppnisfyrirkomulag héraðsmóta HSK: Unglingamót, einliðaleiksmót Mótið skal haldið í október ár hvert. Keppt er í öllum flokkum unglinga samkvæmt skiptingu Badmintonsambands Íslands. Unglingamót, tvíliða og tvenndarleiksmót Mótið skal haldið í nóvember ár hvert. Keppt er í öllum flokkum unglinga samkvæmt skiptingu Badmintonsambands Íslands, að undanskildum yngsta flokknum (snáðar og snótir - 10 ára) Héraðsmót Mótið skal haldið í apríl ár hvert. Keppt skal í öllum greinum. Ef ekki er hægt að spila mótið á einum degi skal það standa í tvo daga. Keppt er í karlaflokki, kvennaflokki, öldungaflokki og öllum flokkum unglinga.

3. gr.

Keppandi skal keppa í þeim flokki sem hann hefur aldur til, nema þátttaka falli niður í hans flokki, þá er heimilt að keppa í einum flokki ofar.

4. gr.

Badmintonnefnd hefur ákvörðunarvald varðandi keppnisfyrirkomulag hverju sinni. Stigagjöf fyrir árangur skal vera sem hér segir: 1. sæti gefur 6 stig, 2. sæti 5 stig, 3. sæti 4 stig og 4. sæti 3 stig. Stigahæsta félag fær farandbikar.

5. gr.

Heimilt er badmintonnefnd að fela einstökum félögum framkvæmd mótanna og skipta má unglingamóti á milli tveggja félaga.

6. gr.

Auglýsa skal mót með a.m.k. 2ja vikna fyrirvara og þátttöku skal tilkynna eigi síðar en 1 viku fyrir mót. Þátttökugjald greiðist af skráðu nafni í grein og mótagjöld skulu vera í samræmi við mót sem haldin eru á vegum Badmintonsambands Íslands.

7. gr.

Á öllum mótum skal vera dómari með réttindi og skal hann úrskurða í öllum deilumálum.

8. gr.

Öll kærumál varðandi agabrot leikmanna skal senda til aganefndar HSK.

9. gr.

Reglur þessar lagðar fram á héraðsþingi HSK 24. febrúar 1996 og taka gildi frá og með 1. maí 1996.

Tilbaka