Héraðssambandið Skarphéðinn

Hvaða þarf að uppfylla til að geta sett HSK met?

HSK met í frjálsíþróttum
Hvaða þarf að uppfylla til að geta sett HSK met?

Saga héraðsmeta

Fyrsta meta- og afrekaskrá HSK var gefin út á prenti árið 1965 og var tekin saman af Ólafi Unnsteinssyni. Afrekaskrá HSK kom út öðru sinni árið 1976 og hafði Þráinn Hafsteinsson umsjón með því verkefni. Þriðja prentaða afrekaskrá HSK kom svo út árið 1984, svokölluð Jónsbók, sem tekin var saman af Jóni M. Ívarssyni.
Þessar afrekaskrár eru grunnurinn að metaskrá HSK í dag, auk tiltækra úrslita á prenti og síðar úrslita á tölvutæku formi.

Met sett á frjálsíþróttamótum innan- og utanhúss

Einstaklingar þurfa að setja metin á viðurkenndum mótun sem hafa verið tilkynnt til FRÍ. Til að met fáist staðfest þarf að skrá úrslit inn í mótaforrit FRÍ.
Árangrar á mótum fyrir tíma mótaforrits FRÍ gilda. Hér er t.d. átt við gömul met sem fram koma í eldri meta- og afrekaskrám HSK.
Í spretthlaupum og stökkum utanhúss þarf að vera vindmælir. Vindur má ekki vera meiri en 2 m/sek.
Rafmagnstímataka þarf að vera í hlaupum bæði innan- og utanhúss í dag. Gömul met sem sett voru með handtímatöku gilda.
HSK met eru skráð í þeim greinum sem keppt hefur verið í og birtast á topplistum á https://sif.fri.is/top. Gömul met í greinum sem ekki er keppt í lengur eru látin standa í metaskránni. (t.d. 80 metra hlaup sem hætt er að keppa í)
Metaskrár í flokkum 22 ára og yngri miðast við almanaksárið, þ.e. sá sem verður t.d. 20 ára á árinu getur bara sett met í 20-22 ára flokki, þó svo hann sé enn 19 ára þegar metið er sett. (á afmæli seinna á árinu) Yngri keppendur geta sett met í fleiri en einum aldursflokki, þ.e. sínum flokki og svo upp fyrir sig í aldri.
Árangur í greinum þar sem keppni fer fram innanhúss skal skráður þannig, þó að mótið að öðru leyti sé utanhúss. Þetta á t.a.m. við metaskráningu í stangarstökki, en oft fer keppni á sumarmótunum fram innanhúss í þeirri grein.
Í flokkum 30 ára og eldri gildir aftur á móti afmælisdagur viðkomandi. Keppandi færist því upp um flokk á afmælisdaginn, ekki 1. janúar líkt og hjá þeim yngri. Aðeins er hægt að setja met í aldursflokki viðkomandi.

Met í götuhlaupum

Úrslit götuhlaupa eftir 24. mars 2018 eru ekki viðurkennd til afreka og þar með skráningu á afrekaskrá og metaskrá HSK nema að uppfylltum skilyrðum reglugerðar Frjálsíþróttasambands Íslands um framkvæmd götuhlaupa.
Árangrar þurfa því að nást í götuhlaupum sem eru viðurkennd, mæld og vottuð af FRÍ.
Listi yfir viðurkennd götuhlaup frá 2018 má sjá á https://fri.is/hlaupamal/gotuhlaup-vidurkennd-framkvaemd/
Árangrar í götuhlaupum fyrir 24. mars 2018 eru tekin gild, enda séu til skráð úrslit frá viðkomandi móti.
HSK met eru skráð í þeim vegalengdum sem birtast á topplistum á https://sif.fri.is/top. Hér er átt við 5 km götuhlaup, 10 km götuhlaup, hálfmaraþon og maraþon.

Miðað er við svokallaðan „flögutíma“ í götuhlaupum.

Önnur hlaup

Met í Blákskógaskokkinu (5 og 10 mílur) og Laugavegshlaupinu (55 km) eru skráð, enda eru það sérhlaup, sem ekki eru hlaupin annars staðar, líkt og 5, 10, 21 og 42 km götuhlaupin.

Um hlutgengi þeirra sem ná metum

Þeir einstaklingar sem eru með keppnisréttinn hjá félögum utan HSK svæðisins koma ekki til greina sem nýir HSK methafar. (þó þeir séu etv. hættir að keppa og búi jafnvel á svæðinu. Viðkomandi þarf þá að skipta um félag.)
Þeir einstaklingar sem hafa ekki verið að keppa á opinberum mótum með félögum innan hreyfingarinnar, en eru búsettir á svæðinu koma til greina. Þetta á t.d. við þá sem taka þátt í götuhlaupum, s.s. Frískir Flóamenn.
Þeir sem eru með keppnsiréttinn í einhverju aðildarfélaga HSK, en keppa fyrir skokkhópa sem eru ekki í hreyfingunni koma til greina. Dæmi um þetta er Borghildur Valgeirsdóttir sem hefur alla tíð keppt fyrir Umf. Selfoss (og hefur ekki skipt um félag),

Uppfærð HSK metaskrá

Metaskrá í öllum aldursflokkum innan- og utanhúss frá 11 – 90 ára er á www.hsk.is.
Mikilvægt er að uppfæra metaskrána reglulega, helst eftir hvert mót.
Ábendingar um met sem sett hafa verið berist með tölvupósti á hsk@hsk.is.