Héraðssambandið Skarphéðinn

Paralympic-dagurinn

03.12.2022 - 03.12.2022

Paralympic-dagurinn 2022 fer fram laugardaginn 3. desember í Frjálsíþróttahöllinni í Laugardal frá kl. 13.00-15.00. Stór og skemmtilegur kynningardagur á íþróttastarfi fatlaðra fyrir alla fjölskylduna! Öll velkomin. Á Paralympic-daginn koma aðildarfélög fatlaðra jafnt sem ófatlaðra ásamt öðrum hagsmunaaðilum til með að kynna starfsemi sína, æfingatöflur og þau úrræði sem hægt er að nýta sér við íþrótta- og lýðheilsuiðkandir. Íþróttafréttakonan Kristjana Arnarsdóttir verður leiðsögumaður Paralympic-dagsins 2022 en hún greindi m.a. frá Paralympics í Tokyo 2021 fyrir RÚV. Fjöldi viðburða og kynninga mun fara þarna fram þar sem gestum gefst tækifæri á því að prófa hinar ýmsu íþróttagreinar, ræða við fjölda þjálfara sem og íþróttamanna sem þekkja vel til íþrótta fatlaðra hérlendis sem og erlendis. Nemendur frá háskólanum í Reykjavík munu einnig setja skemmtilegan svip á daginn en Íþróttasamband fatlaðra leggur mikið upp úr samstarfi sínu við skólasamfélagið í landinu. Viðburður Facebook: Paralympic-dagurinn 2022

Deila